هذه كلمات مسروقة من دفترطفل كتبها بعاميةاللغة..ودهشة السؤال؟

هذه كلمات مسروقه من دفتر طفل كتبها بعامية اللغه..ودهشة السؤال؟

السبت:فتحت عيوني..أدور عن نور..أمروني:<غمض>..و...غمضت..بعدها ما شفت لا

ابيض ولا اسود!

الأحد:كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا

بقرة>,<يا لوح>,<يا جدار>...فتوقعت اني في حديقة حيوانات..فتحت عيوني ابغى

اشوف هـ(الحيوانات)..قالوا لي:"ما يصلح تشوف قلة أدب"..سألتهم:طيب..في عصفور؟؟

صرخوا في وجهي:<انطم وغمض>..!!

الاثنين:سمحوا لي اشوف التلفزيون..كنت لحالي منسجم مع أفلام كرتون..دخلت

امي..وكان ابو عائلة ادمز(يبوس) أمهم..ركضت امي ..غيرت القناة..وصرخت بأعلى

صوتها.."عيب عليك..قاعد تشوف قلة أدب..!!"ناظرتها بكل براءه وانا متعجب من اللي

صار:"طيب وش صار؟؟أبوهم يبوس أمهم!.."قالت لي وهي معصبه مرررررره

(التبويس..قلة حياء!!)

بعدها بأسبوع..شفت امي تسلم على ام الجيران و(تبوووووسها)..قلت لها وانا كلي

أسى"يا ماما..التبويس قلة حياء!!.."

الثلاثاء:كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق

عيونه فيني وين ما رحت ووين ما جيت..بعد ما راحوا..ناداني أبوي وقال:"عيب الواحد

يجلس مع بنات..قلة أدب..!"

بعدها بكم يوم..كان أبوي جالس مع عماتي..ناظرته بطرف عين(وتبون الصدق حقدت

عليه)..وقلت له:"اللي يجلس مع بنات..قليل أدب!!"

الأربعاء:كنت اسمعهم يقولون(صدام قوي)..وأعجبني...بعد الأزمه..قالوا(حرامي

ومجرم)..سألتهم:كيف؟؟!!..قالوا:"حرامي ومجرم..وبس..واسكت..!"

وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون

أفلامه..ويضحكووون..كنت أسألهم"ليه تضحكون؟!..ما تقولون انه فاسد"...قالوا..ورا ما

تنطم بس.!؟؟

الخميس:أبوي يقول<االتدخين>حرام.. واللي يدخن يدخل النار..وفي يوم شفت ابوي

جالس مع صديقه أبو حمد..وأبو حمد ماسك السيجاره بيده..وقفت وسألت ابوي""طيب

اللي يجلس مع اللي يدخنون..يدخل النار بعد؟!!!"

الجمعة:أسمعهم يقولون..ان اللي يطول في مكالمته يغازل..واللي يروح للسوق

يغازل..واللي يعرف انترنت يغازل...وامي تطول على التلفون,,وتروح للسوق,,وتطقطق

على الكمبيوتر..رحت لأبوي وانا مصدووووم::"أبوووووي الحق..

أمي تغازل!!!!

للاسف هذي صور من المجتمع

>> <<

ينهون عن فعل ويأتوا بمثله ..

ولي سؤال .....

وش رايكم في ذا المجتمع عندما يربي مثل هذي التربيه ..؟؟ ننهاهم عن فعل نحن نقوم به ..؟؟

تحياتي/رووحي له الفداء

تشكر يعطيك العافية

صحيح التربية صعبة
ماننهي عن امر واحنا انسويه

تحياتي تقبلو مروري

صدقت أخي روحي له الفداء

صدق الي قال : يأمرون بالمعروف وينسوا أنفسهم

مشكوووووووووور على هذه المشاركة الهادفة

وننتظر مزيدك

تحياتي

مشكور اخي روحي له الفداء
موضوع جيد وجميل
وننتطر جديدك
تحياتي ابومحمد

موضوع عجيب
فعلا يامرون بالمعروف وينهون انفسهم
الله يعين جميع من يربي

يسلمووووووووووووو على الموضوع

التشدد في التربية يصل بالطفل الى حاله سيئة يتعب شخصياً منها

مشكوووووووووووووور

تسلمووووووووووووووون
على
الردوووووووووووووووود
الرائعة