رسالة الى خادم الحرمين

أوجه رسالة للوالد القائد خادم الحرمين الشرفين (حفظة الله وأطال في عمره)
من واجبات الأبووووه أن الأب يستمع لصرخات أبنه وضمه على صدره وإذابة كل آلامه
والملك زي ابوي،، لأحد يتدخل بين أب وطفله
@ @ @
@ @ @
ابشرك يا خادم الحرمين الأسعار مضبوطة والمواد الغذائية متوفرة
ما نقصنا بس إلا الخبز يرفعون سعره
وخذ عندك بعض الأسعار
قشطة المراعي صارت 4 ريال
حبة المظبي 22 ريال
الكفرات ارتفعت 30 بالميه
الأدوية 25 بالمية
تخيل يا خادم الحرمين جبن كرافت والمراعي السايل ارتفع
طيب وش نسوي لبزارينا المشكلةيقدرون الكرافت السايل مع الصامولي
الببسي صار 20.5
والأيجارات أرتفعت
وقسايم المرور زادت
الحمدلله على النعمه أمن وآمان
الله لا يغير علينا
حتى رز ابو كاس ارتفع
لا وازيدك من الشعر بيت رزمة الكراث والبصل صارت بريالين
شفت شلون حنا بنعمه
@ @ @
بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه
ونعطي لبنان مليار ونص دولار
ونرسل لمصر المعونه السنويه
تعرف ماشاء الله حنا.. من كثر الفلل التمليك.. الناس صارو يأجرون ببلاش
ممكن طلب طال عمرك.. ابي سلف 12000 ريال
عندي دين اسدد فيه لي سنه ولا خلص.. كل شهر 500 ريال
الله يرحم حالنا والله..
@ @ @
ابشرك طال عمرك
قبل كم يوم حطم سعر برميل البترول الرقم القياسي وصار يباع بـ 99 دولار
ورصيدي أيضا حطم الرقم القياسي في نفس اليوم وصار فيه 17 ريال
الحمد لله شفت كيف أنا بخير
@ @ @
أحب اطمنك صرنا نسوي رجيم غصب عنا
تعرف اللحم ما عاد نعرفه
حتى الدجاج ما عاد نأكله
صرنا رشيقين
تسمع بالكرش ما عاد نشوفها
تسمع بالبطن اللي لاصق في الظهر
يوووووه في كل مكان نشوفه
نم قرير العين الشعب بخير
لاتتعب نفسيا ودور في النت توأم تفصلهم
توائمنا ليش ينفصلووو
صلة الرحم زينه خلهم يتشابكون طول العمر
يمكن لو فصلناهم يتهاوشون ويفترقون
خلهم متشابكين في جسد واحد
الله لا يغير علينا
@ @ @
ابشرك طال عمرك شعبك تطور
استبدل البكاء بطعم الملح ببكاء بطعم الدم
آآآآآآآآآآآآآآه يا حلو مذاقه
ودك تجربه؟؟
انا أقولك وشلون
نظف منزلك من حليب الأطفال
نظف جيبك من الفلوس
نم ومخباك فاضي
خل زوجتك تصحيك من النوم قبل الفجر
وتقولك أن طفلك ما عنده حليب
دق الشماغ ولف على جيرانك
دور سلف.. علشان تشتري حليب لطفلك
الجميع بيطردك لأنهم طفارى
انس انك ملك وأرجع للبيت
بتدخل على أنغام بكاء طفلك
عندها ستحتقر نفسك وانت عاجز عن اشباع طفلك
عندها ستلعن اليوم اللي انولدت فيه
عندها ستلعن اليوم اللي انولد طفلك وصرت مسؤول عنه
عندها ستضمه وستبكي من القهر
ستنزل دموعك وتحس بطعم الدم في حلقك
@ @ @
تذكر طال عمرك يوم حنا صغار وش كانو يقولون لنا
كانو يقولون الرجال ما يبكي
عيب تطلع دموعه
صرنا نصيح عادي
البكاء صار ملازم لنا
والسبب كومة لحم (أطفال ونساء) في رقبة الواحد
يبكي لأنه عاجز عن توفير الحياة الكريمة لهم
@ @ @
بس ودي أقولك شي قبل ما أروح أصيح
تدري وش معنى الرجل يبكي قدام زوجته وأطفاله
معناها تساقط كل قيم الرجولة اللي تعلمناها في طفولتنا
معناها إحساس المرأة بالانكسار وعدم الأمان
معناها خنوووووع ما بعده خنووووع للظروف القاسية اللي وضعنا فيها
معناها أمور كثيرة ما راح تفهمها..

آآآآآآآآآآآآآآآآآآآآآآآآآآآآآآآآآآآآآه لوتوصل الرسالة للملك
سلمتي عزيزتي

كنه مايدري يعني

لكن وين الاحساس قولي

مرسيه على الموضوع

مشكوووووووووووووووورة أختي هواي حسين

على هذا الموضوع

اللهم احفظ رقابنا منهم

تحياتي

مشكوره غلى المشاركه
والله يعن الضعفا
الذين لايملكون لقمت العيش
ويش رايحين يسولهم
تحياتي ابومحمد

لاحياة لمن تنادي
لو بيسمع كان سمع من زمان
بس اللي يده في النار
مومثل اللي يده في الماي

بس سبحان مغير الأحوال

مشكوورين اخواني واخواتي على المروور

فيه مثل يقول
جوع كلبك يتبعك
وهذا المعمول به في بلادنا
مبروك لللكلاب جمعية الرفق بالحيوان
تراعي مصالحهم
ومبروك لنا ال 5 %
والله نفسي أضحك بس ماني قادر
لأني أحب أخليها ليوم يمنعونا فيه من الضحك
من كثر الهم

الله يكون في عون الجميع
الله كريم( ان الله يرزق من يشاء بغير حساب)
يالله ياكريم ارزقناولا نبي من ده وده
الله موجود الله فوق الكل
ان الله مع الصابرين
شكرا لك اختيهواي حسين
على طرح الموضوع

شكراً لجميع من عطر صفحتي